Franz Marc

Franz Moritz Wilhelm Marc (* 8. Feba 1880 z Minga; † 4. Meaz 1916 ba Verdun, Frankreich) vor a boarischa Mola und nebm Wassily Kandinsky Mitbegrinda vu da Redaktionsgmoaschoft „Der Blaue Reiter“. Ea guit ois oana vu de bedeitandstn Mola vom Expressionismus in Deitschland.

De friaan Weake vom Marc worn vom Stui hea akademisch-naturalistisch. Noch seim Bsuach vo Paris anno 1907 is a vom Postimpressionismus beeiflusst gwen. Zwischn 1911 und 1914 hom Stuielemente vom Fauvismus, Kubismus, Futurismus und Orphismus dominiat. Ea hod owa aa in dera Zeit gegnstendle gmoit, vor oim Viecha worn seine Motive, wie zan Beispui in de Weak Der Tiger, Blaues Pferd, Der Turm der blauen Pferde oder Tierschicksale. Dees easchte abstrakte Gmejde vom Marc Kämpfende Formen is 1914 enstandn. Im Zug vo da Mobuimochung vorm Easchtn Wejdkriag hod a si freiwuillig gmejd und is zwoa Joa spoda vor Verdun gfoin.